monumenta.ch > Lucanus > sectio 276 > sectio 14 > sectio 32 > bnf8071.76 > 52 > bnf2607.130 > bnf8562.74 > sectio 10 > bnf12590.260 > sectio 12 > sectio 11 > sectio 3 > sectio 217 > Genesis, 1 > sectio 23 > sectio 245 > sectio 21 > bnf12590.57 > sectio 536 > 41 > 92 > sectio 12 > bnf9389.390 > bnf8562.9 > Isaias, 45 > sectio 834 > sectio 577 > sectio 414 > 20 > sectio 6 > sectio 33

Word Selection for Searching

Report an Error in this Sectio
Hieronymus, Epistulae, 3, 78, 33
XXXI. MANSIO. Et profecti de Ietabatha, castra metati sunt in Hebrona . Tricesima prima Mansio interpretatur παρέλευσις, id est, 'transitus,' sive 'transitio.' Ad hanc venit verus Hebraeus, id est, περάτης, sive 'transitor' qui dicere potest: 'Transiens videbo visionem hanc magnam' ; de qua et Psalmista canit: 'Et non dixerunt qui praeteribant, benedictio Domini super vos' . Praeterit enim figura huius mundi , et propterea sancti cupiunt ad meliora transire, nec praesenti statu contenti, ingemiscunt quotidie. 'Haec recordatus sum, et effudi in me animam meam, quoniam transibo in locum tabernaculi admirabilis usque ad domum Dei' . Multum est, si de omnibus Scripturis super verbo transitionis velim exempla congerere.